Цæгат Ирыстоны культурæйы министр Милдзыхты Руслан уыд спектакль «Фатимæ»-йы премьерæйы

182

Нæ республикæйы культурæйы министр Милдзыхты Руслан уыд Тæбæхсæуты Балойы номыл Цæгат Ирыстоны паддзахадон академион театры спектакль «Фатимæ»-йы премьерæйы. Бæрнон адæймаг арфæ ракодта театры сфæлдыстадон разамонæг Гуыбиаты Хъазыбегæн, артисттæн æмæ аивадуарзджытæн, спектакль ног цард кæй федта, уый тыххæй. Министры ныхæстæм гæсгæ, ирон театры историйы уый у ахсджиаг цау.

Спектакль «Фатимæ» сæвæрдтой Хетæгкаты Къостайы поэмæмæ гæсгæ. Йæ саразыныл бакуыстой режиссер Сæбанты Тамерлан, актертæ Гæлæуты Зæлинæ (Фатимæ), Битарты Алыксандр (Дзамболат), Цæллагты Сослан (Ибрагим) æмæ Гæлæуты Анатолий (Наиб). Поэмæ ирон аив, нуарджын æмæ зæрдæмæхъаргæ æвзагмæ ратæлмац кодта æмæ йæ пьесæйы хуызы ныффыста поэт Кокайты Тотрадз. Музыкæйы автор у композитор Плиты Мурат. Артисттæн костюмтæ бахуыдтой ирон, стæй оперæ æмæ балеты национ театрты хуыйджытæ, хъуымæцтæ та ирон театрæн балæвар кодта Годжыцаты Изольдæ.

Спекталæй фæстæмæ ма авадуарзджытæ федтой сæрмагонд равдыст. Бацæттæ йæ кодтой Цæгат Ирыстоны театралон аивады музейы куысджытæ æмæ дзы æвдыстой раздæры азты æмæ абоны спектакль «Фатимæ»-йы къамтæ, стæй афишæтæ.

ОСТАВЬТЕ ОТВЕТ

Please enter your comment!
Please enter your name here