Цæгат Ирыстоны культурæйы министр Милдзыхты Руслан арфæ ракодта дыккæгæм дунеон музыкалон фестиваль «Ирон Фæндыр»-ы архайджытæн

353

18 апрелы Тæбæхсæуты Балойы номыл ирон академион театры сарæзтой дыккгæм дунеон музыкалон фестиваль «Ирон Фæндыр». Сæ арæхстдзинад дзы равдыстой нæ республикæйы, Дагестаны, Кæсæг-Балхъары æмæ Абхазийы уадынгæрзтæй цæгъдджытæ, адæмон уадынгæрзты ансамбльтæ æмæ оркестртæ. Аивадуарзджыты зæрдæтæ барухс кодтой адæмон æмæ авторон уацмыстæй. Фестивалы архайджытæн æгасцуай загъта Цæгат Ирыстоны культурæйы министр Милдзыхты Руслан. Бæрнон адæймаг сын арфæ ракодта ирон фæндыры кад бæрзонд кæй исынц æмæ йæ кæй пропагандæ кæнынц, уый тыххæй, саккаг сын кодта дипломтæ æмæ зæрдылдарæн лæвæрттæ.

Музыкалон фестиваль «Ирон Фæндыр»-ы хæс у курдиатджын фæсивæды сбæрæг кæнын, ирон инструменталон музыкæйы æгъдæуттæ бахъахъхъæнын æмæ регионты сфæлдыстадон коллективты *хсæн хæлар ахастдзинæдтæ рапарахат кæнын. Фестиваль саразыныл бацархайдтой Цæгат Ирыстоны культурæйы министрад, стæй традицион культурæ æмæ этнотуризмы центр «Фарн».

ОСТАВЬТЕ ОТВЕТ

Please enter your comment!
Please enter your name here