Цæгат Ирыстоны Национ музей байгом уыдзæн 2018 азы январы

117

Цæгат Ирыстоны Национ музей байгом уыдзæн 2018 азы январы. Ахæм уынаффæ бæрнон адæймæгтæн скодта нæ республикæйы сæргълæууæг. 17 апрелы Битарты Вячеслав бабæрæг кодта музейы бæстыхай æмæ федта, арæзтадон куыстытæ куыд цæуынц, уый. Сæрмагонд æмбырды архайдтой нæ республикæйы культурæйы министр Милдзыхты Руслан, Национ музейы сæйраг директор Сохиты Ларисæ æмæ арæзтадон куыстытæ чи кæны, уыцы организаци «Промжилстрой РЦИ-Алани»-йы минæвæрттæ.

Национ музей бындуронæй рацаразыныл архайынц 2008-æм азæй фæстæмæ. Сæрмагонд пъланмæ гæсгæ дзы хъуамæ фæзына музейы фонд кæм дардзысты, ахæм бæстыхай, равдыстыты залтæ æмæ реставраци гæнæн  æрмадзтæ. Музейты нырыккон авналæнтæ хынцгæйæ дзы сараздзысты æдасдзинады системæ. Реконструкци арæзт цæуы федералон программæ «Уæрæсейы культурæ 2012-2018-æм азтæн»-мæ гæсгæ. Ацы аз федералон бюджетæй цалцæггæнæн куыстытæн радтой 90 милуан сомы, 2018-æм азы та радих кæндзысты 65 милуан сомы.

Проект куы сæххæст кæной, уæд фадат фæзындзæн музейы фонд сæрмагонд домæнтæн дзуапп чи дæтты, ахæм уавæры дарынæн æмæ равдыстыты фæзтæ саразынæн.

2017-æм азы Цæгат Ирыстоны Национ музейыл сæххæст уыдзæн 120 азы.

ОСТАВЬТЕ ОТВЕТ

Please enter your comment!
Please enter your name here