Сывæллæтты азербайджанаг паддзахадон театры гастролтæ Ирыстоны

166

Сывæллæтты азербайджанаг паддзахадон театр 2017-æм азы 23 апрелы гастролты ссæудзæн Дзæуджыхъæумæ. Фæсарæйнаг артисттæ чызджыты æмæ лæппуты зæрдæтæ барухс кæндзысты æрыгон фыссæг Парвин Нуралиевайы аргъаумæ гæсгæ æвæрд спектакль «Фыдуаггæнаг сæныкк»-æй. Театр «Саби»-йы сценæйы йæ бонмæ æвдисдзысты 4 хатты. Спектаклæй иу уыдзæн хæрзаудæн æмæ йæ фендзысты чысыл æфтиаг кæмæ хауы, ахæм бинонты цот, стæй уæззау низтæй рынчын сывæллæттæ. Гастролтæ ахæсдзысты 26-æм апрелмæ. Ирыстонæй труппæ ацæудзæн Цæцæны республикæмæ.

24 апрелы 11 сахаты æмæ 15 минуты уазджытæ  æмæ фысымтæ дзуапп ратдзысты ирыстойнаг дзыллонхабархæсджыты фæрстытæн.

Уæ зæрдыл уын æрлæууын кæндзыстæм, амæй размæ театр «Саби» Бакуйы кæй суазæг кодтой æмæ йын сывæллæтты, стæй фæсивæдон театрты дунеон ассоциацийы кадджын диплом кæй саккаг кодтой, уый.

ОСТАВЬТЕ ОТВЕТ

Please enter your comment!
Please enter your name here