РЦИ-Аланийы культурæйы министр Милдзыхты Руслан: «Ахæм равдыстытæ разæнгард кæнынц хæдахуыр нывгæнджытæ æмæ æрмдæсныты»

215

Хæдахуыр нывгæнджыты æмæ æрмдæсныты куыстыты равдыст «Адæм цæмæй хъæздыг сты» байгом 2017 азы 19 майы Цæгат Ирыстоны нывгæнджыты цæдисы равдыстыты залы.

Æрбахуыдтой йæм РЦИ-Аланийы культурæйы министр Милдзыхты Русланы. Бæрнон адæймаджы ныхæстæм гæсгæ, ахæм равдыстытæ хæдахуыр нывгæнджытæ æмæ æрмдæсныты разæнгард кæнынц ног уацмыстæ кæнынмæ.

Адæмæн сæ бон фенæн уыд алы жанрты конд 400 куысты бæрц. Национ аивад бахъахъхъæнынмæ æмæ йæ райрæзын кæнынмæ стыр æвæрæн кæй хæссынц, уый тыххæй сын сæ автортæн саккаг кодтой кады гæххæттытæ. Ходы Оледжы разамындæй аивадуарзджыты зæрдæтæ барухс кодта адæмон уадынгæрзты оркестр «Ирыстон».

Равдыст сарæзтой хæдахуыр нывгæнджытæ æмæ æрмдæсныты сфæлдыстад райрæзын кæныны æмæ йæм адæмы *ргом раздахыны, стæй сын кæрæдзийы куыстытимæ базонгæ уæвынæн фадат радтыны тыххæй æмæ ахæсдзæн 29-æм маймæ.

Бакуыстой йыл РЦИ-Аланийы культурæйы министрад, традицион культурæ æмæ этнотуризмы республикон центр «Фарн» æмæ РЦИ-Аланийы нывгæнджыты цæдис.

ОСТАВЬТЕ ОТВЕТ

Please enter your comment!
Please enter your name here