Цæгат Ирыстоны культурæйы министр ирон театры кусджыты базонгæ кодта сæ ног сфæлдыстадон разамонæгимæ

99

30 августы Цæгат Ирыстоны культурæйы министр Милдзыхты Руслан Тæбæхсæуты Балойы номыл Цæгат Ирыстоны паддзахадон академион театры кусджыты базонгæ кодта сæ ног сфæлдыстадон разамонæг Колыты Владиславимæ. Куыд загъта, афтæмæй йæ размæ æвæрд ис бирæ нысантæ æмæ лыггæнинаг фарстатæ. Уыдонæй иу – сентябры В.Маяковскийы номыл Мæскуыйаг академион театры артистты æмбæлгæ хуызы суазæг кæнын. Бæрнон адæймаг арфæ ракодта сфæлдыстадон къордæн, йæ зæрдæ сын загъта ирон театралон аивады артдзæсты цæхæр мынæг кæнын нæ бауадзын.

Колыты Владислав у Цæгат Ирыстоны адæмон артист. Йæ бирæвæрсыг курдиаты фæрцы Колыты-фырт Тæбæхсæуты Балойы номыл паддзахадон академион театры, Вахтанговы номыл уырыссаг академион театры æмæ сывæллæтты театр «Саби»-йы сценæтыл сарæзта романтикон, лирикон æмæ драмон хъайтарты сурæттæ, стæй дзы куыд режиссер, афтæ сæвæрдта цалдæр спектаклы.

Сæрмагонд фембæлды рæстæг театралон аивады се *нæзæрдæхудт куысты тыххæй Милдзыхты Руслан РЦИ-Аланийы Кады гæххæттытæй схорзæхджын кодта театры артисттæ Цæрикъаты Римæ, Æлбегаты Ларисæ, Дзанайты Эльбрус, Кочиты Георгий æмæ Сугъаты Хъазыбеджы. Цæгат Ирыстоны культурæйы кусæг та сси Хæдарцаты Ритæ.

ОСТАВЬТЕ ОТВЕТ

Please enter your comment!
Please enter your name here