Цæгат Ирыстоны байгом краснодараг нывгæнджыты равдыст

71

Краснодараг нывгæнджыты равдыст «Краснодарская палитра» абон  байгом Цæгат Ирыстоны нывгæнджыты цæдисы равдыстыты залы. Аивадуарзджытæн дзы сæ бон фенын у 34 авторы 70 куысты бæрц. Уыдон конд сты нывгæнынады æмæ графикæйы жанрты, æвдисынц дзы æрмдæсныты къухæй конд дзаумæттæ дæр.

Кадджын мадзалы архайдтой хъуыстгонд ирон нывгæнджытæ, Краснодары крайы равдыстыты залы минæвæрттæ, студенттæ æмæ аивадуарзджытæ.

Цæгат Ирыстоны нывгæнджыты цæдисы сæрдар Мæргъиты Таймураз куыд загъта, афтæмæй ирон æмæ краснодараг нывгæнджты *хсæн сфидар сты сфæлдыстадон бастдзинæдтæ. Йæ ныхæстæм гæсгæ, сæ хæлар ахастдзинæдтæн æвдисæн сты, æрæджы Краснодары æмæ абон Дзæуджыхъæуы цы равдыстытæ байгом кодтой, уыдон. Мæргъиты Таймураз стыр аргъ скодта краснодараг нывгæнджыты курдиатæн, куыд бафиппайдта, афтæмæй сын ирыстойнæгтæ фендзысты сæ хуыздæр куыстытæ.

Равдыст «Краснодарская палитра» ахæсдзæн 1-æм октябрмæ.

ОСТАВЬТЕ ОТВЕТ

Please enter your comment!
Please enter your name here