Цæгат Ирыстоны райдыдтой Владимир Маяковскийы номыл Мæскуыйы академион театры гастролтæ

66

Цæгат Ирыстоны райдыдтой Владимир Маяковскийы номыл Мæскуыйы академион театры гастролтæ.  Абон æмæ райсом ирон театры чысыл театрдзауты зæрдæтæ барухс кæндзысты чилиаг фыссæг Луис Сепульведайы уацмысмгæ гæсгæ æвæрд музыкалон аргъау «Мама-кот»-æй. Фыццаг спектакль уазджытæ равдыстой 12 сахатыл æмæ залы иу уæгъд бынат дæр нæ разынд.

Спектаклы агъоммæ журналисттимæ фембæлыдысты мæскуыйаг театры директор Леонид Ошарин æмæ ирон театры сфæлдыстадон разамонæг Колыты Владислав.

Леонид Ошарины ныхæстæм гæсгæ, Дзæуджыхъæумæ гастролты ссыдысты сæдæ адæймаджы бæрц æмæ сластой театры хуыздæр 5 спектаклы. Куыд загъта, афтæмæй йæ зæрдæ дары, аивадуарзджытæ сын стыр аргъ кæй скæндзысты, ууыл.

Фыццаг хатт театр гастролты раласта комеди «Бешеные деньги». Йæ премьерæ йын сарæзтой ацы аз апрелы æмæ баст уыд Уæрæсейы адæмон артисткæ Светлана Немоляевайы юбилеимæ. Сценæйы йæ сæвæрда не *мзæхххон Анатолий Шульев.

Уазджытæ Беслæны бабæрæг кæндзысты мемориалон уæлмæрд «Зæдты горæт» æмæ æрымысдзысты 2004 азы фыдракæнды амæттæгты. Уымæй уæлдай ма мæсгуыйæгты базонгæ кæндзысты Ирыстоны æрдз æмæ цымыдисаг бынæттимæ.

Владимир Маяковскийы номыл Мæскуыйы академион театр республикæйы гастролтæ ахæсдзысты 15 сентябрмæ.

ОСТАВЬТЕ ОТВЕТ

Please enter your comment!
Please enter your name here