ЦÆГАТ ИРЫСТОНЫ АРÆЗТ ÆРЦЫД КАВКАЗЫ АДÆМТЫ КУЛЬТУРÆ ÆМÆ СПОРТЫ ФЕСТИВАЛЬ

36

ЦÆГАТ ИРЫСТОНЫ АРÆЗТ ÆРЦЫД КАВКАЗЫ АДÆМТЫ КУЛЬТУРÆ ÆМÆ СПОРТЫ ФЕСТИВАЛЬ

Цæгат Ирыстоны арæзт æрцыд Кавказы адæмты культурæ æмæ спорты фестиваль. Стадион «Спартачы» фенæн уыд цымыдисаг мадзæлттæ. Кавказы регионтæ дзы тынг бацархайдтой, цæмæй рæсугъдæй скæной равдыстытæ — национ мигæнæнтæ æмæ алыхуызы хи конд дзаумæттæ, национ хæринæгтæ. Фестивалы фыццаг хатт арæзт æрцыд армукъа «Конд у Каказы». Базонгæ уæвæн дзы уыд Цæгат Кавказы Федералон зылды авд регионы куыстуæтты продукциимæ. Ацы аз ма мадзалы формат фæуæрæхдæр. Культурон æмæ спортивон мадзæлттæй уæлдай ма дзы фенæн уыд амалхъомдзинады хай.

Стадион «Спартачы» ерыс кодтой спорты 12 хуызæй. Цæгат Ирыстон дзы 10 номинацийы сси уæлахиздзау. Фæлæ фестиваль æрмæст уымæн нæ уыд. Ирд бынгат дзы ахста Кавказы адæмты культурæ æмæ традицитимæ базонгæ уæвын. Алайнаг кæрт арæзт уыди астæуккаг æнусы архитектурæмæ гæсгæ. Бацæуæны уазджытыл æмбæлдысты Нарты эпосы хъайтартæ. Национ æууæлтимæ баст хæдзары дзаумæттæ, аивгæнæнтæ æмæ музейон экспонаттæ. Дзаумæттæ иуылд æр къухæй конд. Аккаг аргъ сын скодтой фестивалы æппæты кæстæр уазджытæ дæр. Цæгат Кавказы регионты национ хицæндзинæдтæ иу сценæйы. Фестивалы кæронбæттæн уыд ирд æмæ мидисджын. Ацы аз бæрæгбон сæмбырд кодта сæдæ архайæгæй фылдæр. Бакæсынмæ чи æрбацыди, уыдонæн кæрон дæр нæ уыд. Спортсментæн æмæ уазджытæн арфæ ракодта республикæйы сæргълæууæг Битарты Вячеслав. Цæгат Ирыстон фестивалы рæстæг сси иу бинонты хæдзар. Иууылдæр та ног фæзы сæмбырд уыдзысты афæдзы фæстæ — 9-æм фестивалы.

ОСТАВЬТЕ ОТВЕТ

Please enter your comment!
Please enter your name here