ФЕСТИВАЛЬ «ИРОН БÆГÆНЫ — 2017» РАВЗÆРСТА УÆЛАХИЗДЗАУ

55

ФЕСТИВАЛЬ «ИРОН БÆГÆНЫ» РАВЗÆРСТА УÆЛАХИЗДЗАУ

Францийы цæрæг Кцойты Зарифæ сси уæлахиздзау фестиваль «Ирон бæгæны»- йы.

Джаз чи зары, уыцы артисткæйы адæм зонынц сфæлдыстадон псевдоним Зарифæйы — Мария. Ацы аз фестивалы архайдтой Цæгат æмæ Хуссар Ирыстоны, Мæскуыйы, Сочийы, Налцычы, Самарæйы, Абхазы, Турчы æмæ Францийы цæрæг ирæттæ. Дыккаг бынат адих кодтой Алагиры æмæ Æрыдоны районты минæвæрттæ Туаты Земфирæ æмæ Тебиаты Дзирæт. Æртыккæгтæ систы Хадыхъаты Симæ Кировы районæй, Битарты Фатимæ Дыгурæй, æмæ Æлбегаты Кристинæ Горæтгæрон районæй.
Бæгæныйæ уæлдай жюрийы уæнгтæ аргъ кодтой конкурсанттæ цы ирон хойрæгтæ скодтой, уыдонæн. Фестивалы архайджытæн æмæ уазджытæн арфæ ракодта республикæйы сæргълæууæг Битарты Вячеслав. Йæ ныхæстæм гæсгæ, конкурсы фæсарæнты цæрæг ирæттæ дæр кæй архайынц, уый дзурæг у ууыл, æмæ ирон адæмы традицитæ хъахъхъæнынц куыд бынæттон цæрджытæ, афтæ æндæр рæтты чи цæры, уыдон дæр. Мадзал аив уыди концертон программæйæ. Арфæтимæ видеороликтæ æрбарвыстой Уæрæсейы горæтты æмæ фæсарæнты цæрæг ирæттæ дæр.

ОСТАВЬТЕ ОТВЕТ

Please enter your comment!
Please enter your name here