Къостайы хъæуы байгом ног Культурæйы хæдзар

221

20 декабры Æрдоны районы Къостайы хъæуы байгом ног Культурæйы хæдзар, кæцы арæзт æрцыд федералон программæ «Культурæ æмæ туризмы райрæзт 2013 – 2020 азты» фæлгæты.  Кадджын мадзалы архайдтой РЦИ-Аланийы сæргълæууæг Битарты Вячеслав, Хицауады Сæрдары хæдивæг Фадзайты Æхсарбег, культурæйы министр Милдзыхты Руслан,  арæзтад æмæ архитектурæйы министр Икъаты Русланбег , цæрæнуæтты –коммуналон хæдзары, артаг æмæ энергетикæйы министр Сохъуырты Альберт.

— Абон у  Къостайы хъæуы бæрæгбон – байгом ног Культурæйы хæдзар. Хъæуы цæрджытæн у иумæйаг цин хабар. Ныр сын фæзынд фадат æххæст  культурон цардæй цæрын, сывæллæттæн та сфæлдыстадон къордтæм цæуын. Мæ зæрдæ сын зæгъы цæмæй  сфæлдыстадон бæрзæндтæм æсхизой æмæ Гергиты Валери æмæ Сохиты Тугъан сæ рæйгуырæн бæстæйы кадыл кад куыд æфтауынц, афтæ уыдон дæр æфтауой, — загъта Битарты Вячеслав.

Сырх лент лыггонд куы рцыдис, уый фестæ республикæйы Сæргълæууæг ныффыста арфæйы ныхæстæ  Культурон хæдзары аргъгæнды чиныджы.

Кадджын мадзал срæсугъд кодтой номдзыд зарæггæнджытæ æмæ сфæлдыстадон къордтæ.

Къостайы хъæуы Культурæйы артдзæст арæзт у ныры рæстæджы домæнтæм гæсгæ, ис дзы концертон зал 300 æрбадæн бынатимæ,  кæсæн зал, грим æвæрыны æмæ дарæсæфснайæны уаттытæ.

Тагъд рæстæджы байгом уыдзысты иннæ культурæйы хæдзæрттæ дæр: Мæздæджы районы Виноградныйы хъæуы, Горæтгæроны районы Михайловскийы хъæуы æмæ Рахизфарсы районы Ног Бæтæхъойы хъæуы.

ОСТАВЬТЕ ОТВЕТ

Please enter your comment!
Please enter your name here