Михайловскы хъæуы байгом ног Культурæйы хæдзар

148

25 декабры Горæтгæроны Михайловскы хъæуы кадджын уавæры байгом ног Культурæйы хæдзар, кæцы дæтты дзуапп абоны домæнтæм. Арæзт æрцыд федералон программæ «Культурæ æмæ туризмы райрæзт 2013-2020 азты» фæлгæты.

Мадзалы архайдтой РЦИ-Аланийы сæргълæууæг Битарты Вячеслав, Хицауады Сæрдары хæдивæг Анатолий Поляков, культурæйы министр Милдзыхты Руслан, арæзтад æмæ архитектурæйы министр Икаты Русланбек, Горæтгæроны районы сæргълæууæг  Гаглойты Алан æмæ районы бынæттон хиуынаффæйы администрацийы сæргълæууæг Есиаты Руслан.

-Ног азы къæсæрыл ахæм æхсызгон цаутæ бирæ рæтты уыдысты. Ныфс мæ ис, ацы Культурæйы хæдзары сценæйыл арæх бæрæгбæттæ кæй цæудзæн, хъуысдзæн дзы зард, фæндырыцагъд, ирон спектакльтæ æмæ кафт. Нæ сывæллæттæ дзы сæ рæстæг æрвитдзысты хъæлдзæгæй æмæ пайдаджынæй,  — загъта Битарты-фырт хъæуы цæрджытæн.

Михайловскы хъæуы хистæр Дзуццаты Валери бузныг загъта республикæйы разамындæн стæй Культурон хæдзар аразджытæн. Стæй курдиат балæвæртта республикæйы сæргълæууæгмæ, цæмæй ног артдзæстæн радтой адæмон поэт Джыгкайты Шамилы кадджын ном.

Сырх лент алыг кодтой Битарты Вячеслав, Горæтгæроны районы сæргълæууæг Гаглойты Алан æмæ хъæуы кæстæртæ.

ОСТАВЬТЕ ОТВЕТ

Please enter your comment!
Please enter your name here