Хостыхъоты Зинæйы мысæн изæр

150

29 декабры Хетæгкаты Къостайы номыл ирон литерæтурæйы Музейы арæзт æрцыд зындгонд ирон поэт, СССР фысджыты Цæдисы уæнг, Гæдиаты Цомахъы премийы лауреат Хостыхъоты Зинæйы мысæн изæр. Бацæттæ йæ кодта газет «Рæстдзинады» корреспондент Гасанты Валерий.

Мадзалы архайдтой РЦИ-Аланийы культурæйы министр Милдзыхты Руслан, йæ хæдивæг Дудайты Чермен, ЦИПУ-йы ирон филологийы фæкультеты декан Хозиты Барис, Цæгат Ирыстоны адæмон фыссæг Агънаты Гæстæн, Ирыстоны фысджыты Цæдисы сæрдары хæдивæг Скъодтати Эльбрус, зындгонд театралон режиссер Бекойты Розæ, поэты хо — журналист Хостыхъоты Иринæ стæй Зинæйы сфæлдыстад чи уарзы æмæ чи нкъары, уыцы адæм.

Зæрдæмæдзæугæ мысæн изæр ацыд æхцон уавæры. Зæлыдысты Хостыхъоты Зинæйы æнкъарæг æмæ зардæмæхъаргæ æмдзæвгæтæ, кæцытæ уыдысты дзаг патриотизмæй, æгæрон уарзондзинадæй ныййарæг мадмæ, фыды уæзæгмæ, райгуырæн бæстæмæ.

Музыкалон композицитæй мадзал срæсугъд кодта РСО-Аланийы Паддзахадон филармонийы адæмон инструментты оркестры разамонæг Ходы Олег.

 

 

ОСТАВЬТЕ ОТВЕТ

Please enter your comment!
Please enter your name here