Цæгат Ирыстоны Национ музейы байгом равдыст

232

Ног азы къæсæрыл Цæгат Ирыстоны Национ музейы байгом равдыст.

Кадджын мадзалы архайдтой РЦИ-Аланийы сæргълæууæг Битарты Вячеслав, культурæйы министр Милдзыхты Руслан, арæзтад æмæ архитектурæйы министр Икъаты Русланбек æмæ республикæйы наукон интеллигенци.

-Бирæ азты дæргъы музей нæ кустæ. Уый фæдыл нын фадат нæ уыд нæ хъæздыг истори бæлвырдæй равдисын.  Нæ хицауады фæрцы, дæргъвæтин реконструкцийы фæстæ, абон мах нæ музей гом кæнæм. Куыст ма дзы бирæ ис, кæронмæ сæ хæццæ кæндзыстæм 2018 азы. Мæн фæнды, цæмæй ам уа æфссæддон намысы зал, культурæйы зал, спорты зал. Абоны цы равдыст байгом уыдзæн, уый нын лæмбынæгæй равдистдзæн нæ раг фыдæлты кадджын истори æмæ культурæ, — загъта республикæйы сæргълæууæг.

Уый фæстæ Цæгат Ирыстоны паддзахадон университеты рагондзинады музейы сæргълæууæг Мамиты Михаил бæлвырдæй базонгæ кодта кадджын мадзалы архайджыты равдысты  рагон экспонаттимæ, радзырдта сын сæ истори.

Музейы экспозици кусдзæн 3-9 январмæ.

Национ музей реконструкци кæныны куыстытæ райдыдтой 2008 азы, фæлæ æхцæйы фæрæзтæ нæуæвыны тыххæй цалдæр хатты ныллæуыдысты. Фæстæдæр музей хастгонд æрцыд сæрмагонд федералон программæтæй иумæ æмæ арæзтадон куыстытæ ногæй райдыдтой.

ОСТАВЬТЕ ОТВЕТ

Please enter your comment!
Please enter your name here