Уарзиаты Хаджысмелыл сæххæст уыдаид 80-азы

187

3-æм февралы ирон хореографийы ирддæр стъалы, Ирыстоны фыццаг профессионалон балетмейстер-æвæрæг, Уæрæсейы аивады сгуыхт архайæг, Цæгат Ирыстоны адæмон артистыл Уарзиаты Хаджысмелыл хъуамæ сæххæст уыдаид 80 азы. Уыцы бон зындгонд хореографы ингæнмæ Дзæуджыхъæуы Намысы Аллеямæ æрбацыдысты  аивадуарзджытæ. Се хсæн: РЦИ-Аланийы культурæйы министры хæдивæг Къубалты Эльбрус, культурæйы министрады минæвæрттæ,  адæмон кафты паддзахадон академион ансамбль «Алан»-ы артисттæ сæ разамонæг Тедеты Русланимæ, ансамбль «Аланы» скъола-студийы чысыл кафджытæ, Республикæйы традицион культурæ æмæ этнотуризмы центр «Фарн»-ы æмкусджытæ сæ сæргълæууæг Цæриаты Валерийымæ æмæ æндæртæ.

Хадзысмел у ирон адæмон кафты реформатор, Цæгат Ирыстоны балеты аивады бындурæвæрæг. Уый арф фæд ныууагъта канд адæмы зæрдæты нæ, фæлæ ирон æмæ уырыссаг культурæйы дæр. Архайдта алыхуызон æппæтуæрæсеон æркастты. Йæ хореографион курдитæн ын стыр аргъ кодтой фæсарæнты дæр. 1968 году Уарзиайы фырт æрлæууыд паддзахадон ансамбль «Аланы» сæргъы. Хаджысмелы дæсны разамынды руаджы нæ ансамлы ном базыдтой Казахстаны дæр æмæ Астæуккаг Азийы дæр. Уæд кафыны дæсныйад æмбæлгæ бынат æрцахта. Коллективæн та радтой академион ансамблы кадджын ном. Хаджысмел цы традицитæ ныуууагъта, уыдон ныр дарддæр хæццæ кæнынц йæ хиуæттæ æмæ йæ фæдонтæ.

 

ОСТАВЬТЕ ОТВЕТ

Please enter your comment!
Please enter your name here