Плиты Христофоры номарæн изæр

207

Зындгонд ирон композитор Плиты Христофоры райгуырдыл сæххæст 95 азы. Композиторы юбилеймæ Гæздæнты Гайтойы номыл республикон фæсивæдон библиотекæ бацæттæ кодта номарæн изæр. Плиты Христофор ирон музыкалон хæзнæдонмæ бахаста ахадгæ хæзна. Куыста куыд классикон музыкалон жанрты: оперæ, балет, опереттæ, симфони, оратори, афтæ фыста лирикон зарджытæ дæр.

Плиты Христофоры уацмыстæ: фыццаг ирон оперæ «Къоста», балет «Хъæддаг чызг», опереттæ «Уалдзыгон зарæг», лирикон зарджытæ «Маленький джигит», «Мæйы рухс» æмæ иннæтæ уарзон сты ирон музыкалон аивадæн аргъ чи кæны уыдонæн абондæр.

Плиты Христофоры юбилейон изæрмæ библиотекæмæ хуынд уыдысты Уæрæсейы адæмон артисттæ: композитор Гæздæнты Булат æмæ зæрæггæнæг Цæллагты Эмилия, хæдархайæг композитор Тедеты Шаликъо æмæ Цæгат Ирыстоны адæмон артист, зæрæггæнæг Даураты Эдуард.

Уазджытæ тынг зæрдиагæй мысыдысты Плиты Христофоры куыд музыканты афтæ адæймаджы.

Номарæн изæрмæ цæттæгонд уыд Плиты Христофоры уацмыстæй конд концертон программæ.

Архайдтой дзы студенттæ, суинаг музыканттæ Хутъиаты Елизаветæ, Собиты Наташæ, Хæтæгты Еленæ æмæ иннæтæ.

Изæры кæрон Даураты Эдуард азарыд  Плиты Христофоры лирикон зарджытæ.

ОСТАВЬТЕ ОТВЕТ

Please enter your comment!
Please enter your name here