Уæллаг Фиагдоны байгом Культурæйы хæдзар

172

Уæллаг Фиагдоны бындурон цалцæджы фæстæ байгом Культурон хæдзар, кæцы æрцыд цалцæггонд федералон программæ «Культурæ æмæ туризмы райрæзт 2013-2020 азты» фæлгæты. Кадджын мадзалы архайдтой Хицауады Сæрдар Тускъаты Таймураз, РЦИ-Аланийы культурæйы министр Милдзыхты Руслан, арæзтад æмæ архитектурæйы министр Икæаты Русланбег, Алагиры районы муниципалон арæзты сæргълæууæг Бутаты Арсен æмæ хъæуы цæрджытæ.

-Куырттаты ком, Фыййагдон алкæддæр уыдысты сæ хорз æгъдауæй хъуыстгонд. Æмæ мæ уырны уыцы æгъдау фидар æмæ дарддæр кæнынæн Культурæйы хæдзар ахъаз кæй кæндзæн, уый. Ардæм цы сфæлдыстадон фæсивæд цæудзæн, уыдон та фидæны  нæ республикæйы кадыл ноджы кад кæй æфтаудзысты, уый, — загъта Тускъаты Таймураз.

Культурæйы артдзæст бындуронæй цалцæггонд кæй фæрцы æрцыд, уыдонæн Фиагдоны цæрджыты номæй арфæйы ныхæстæ загъта Бутаты Арсен.

Бæрæгбон срæсугъд кодтой районы зарæггæнджытæ æмæ сфæлдыстадон къордтæ

ОСТАВЬТЕ ОТВЕТ

Please enter your comment!
Please enter your name here